Bosveld Jagtersvereniging
BJV
Bosveld Jagters en Wildbewarings Vereniging
Kursusse en aktiwiteite
Kursusse en aktiwiteite
 

Laai asseblief die Notule van die AJV gehou op 19 Januarie 2008 en die agenda vir die AJV van 25 Oktober 2008 hieronder af, en druk dit uit om saam te neem na die AJV. As u 'n nuwe bestuurslid wil nomineer, laai dan ook die nominasievorm af en vul dit baie volledig in voordat u dit by die kanoor inhandig.

Dubbelkliek asseblief op die PDF leêr onderaan die bladsy

Vier dae van lekker leer vir ons Junior vennote.
Tydens die Junior 2 kursus word al die teorie wat in die Junior 1 kursus deurgeswoeg is, prakties in die veld toegepas. Dis op hierdie kursus waar daar gekyk word of die junior goed opgelet het na die teorie! Nou gaan elke kind, onder leiding van 'n ervare instrukteur, veld toe om sy/haar eerste rooibok te gaan skiet! Baie van die teorie word dan nou prakties in die veld demonstreer en sekere teoriekursusse, soos byvoorbeeld Vuurwapenveiligheid en Skootplasing, word op hierdie kursus herhaal voordat die eerste tree in die veld gegee word. Daar word ook van elke kursusganger verwag om sy/haar eie bok af te slag - en hier word ook baie pret ervaar. Natuurlik word daar elke aand om die vuur van elke jagtertjie verwag om sy/haar ondervindinge van die dag met kleur en geur te vertel!
Senior kursusse word aangebied by jou tak om jou, as lid, te help om jou kennis oor jag en die natuur uit te brei. Die CHASA toets word na afloop van die kursus geskryf. Dit is n drie-uur vraestel en daar is n praktiese gedeelte waar van jou verwag om word om verskillende stelle horings te meet. Daar is ook fotos van verskillende dier-, vol- en reptielsoorte wat uitgeken moet word. Jy moet 70% in hierdie vraestel behaal om te slaag.
Instrukteurskursus
Daar word van tyd tot tyd Baanoffisierskursusse by sowel Uitvoerend as by sommige takke aangebied. Hierdie kursusse word nie op die Jaarprogramme aangetoon nie, aangesien dit plaasvind wanneer die behoefte daarvoor ontstaan.
Is jy 'n trofeejagter? Is jy 'n kenner van die verskillende diersoorte en trofees? As jy is, en jy wil graag as 'n trofeemeter (S.A. Rekordboek) kwalifiseer, kan jy met die Hoof van Opleiding van die Uitvoerende Bestuur (Louis Naude tel. 083 775 5476) skakel om te hoor wanneer hulle weer so 'n kursus aanbied. Hierdie kursusse word nie gereeld aangebied nie, aangesien BJV net 'n beperkte aantal trofeemeters verkies, om kontiniuteit en konsekwentheid te verseker.

Daar word van tyd tot tyd Spoorsnykursusse aangebied. Hierdie kursusse word slegs gehou wanneer daar 'n behoefte bestaan by lede vir so 'n kursus, en nie op gereelde grondslag nie. Skakel die Hoof Opleidingsbeampte van Uitvoerend, Carel Buitendag (0825518114) indien jy belangstel.

CHASA het 'n nuwe skiettabel saamgestel wat geskiet sal word op intervereniging skietdae. Daar is ook 'n nuwe klassifikasiesisteem in plek gebring waar lede in sekere kategorieë sal meeding volgens elke lid se eie skietvermoë. Laai asseblief die onderstaande twee pdf leêrs af en druk dit uit.

Daar word normaalweg twee Intertakskietdae per jaar gehou. Tydens die tweede Intertak skietdag (gewoonlik vroeg in September) ding die verskillende takke teen mekaar mee om die gesogte Takkompetisie trofee. Die Intertakskietdae kan verskillende vorms aanneem, maar deesdae is die neiging om die kompetisie min of meer in lyn te bring met die skietoefeninge wat tydens die Intervereniging skietdag deurgeskiet word. Dit beteken dat daar na gonge en lewensgrootte diereteikens op verskillende (onbekende) afstande geskiet word en uit 'n groot verskeidenheid posisies, wat so na as moontlik aan natuurlike jagtoestande gehou word. Spanne ding in takverband mee en die kompetisie word telkens deur 'n ander tak van BJV aangebied.

Impala-aande is aanvanklik ingestel om skakeling tussen BJV en die media, besighede en die bre publiek te bevorder. Deesdae word hierdie aande by takke gehou om gesellige bymekaarkom-aande vir lede te bewerkstellig en daar word gewoonlik n spreker van byvoorbeeld Natuurbewaring of ander instansies wat raakpunte met BJV het, genooi om lede toe te spreek oor een of ander interessante of aktuele onderwerp.

Aan die einde van Oktober elke jaar, is dit tyd om te kom spog met al die groot trofees wat jy deur die jaar ingepalm het. Die Uitvoerende Trofeemetingskompetisie is 'n geleentheid wat reeds sedert die ontstaan van BJV in 1969 elke jaar plaasvind en het reeds 'n tradisie geword wat min trofeejagters misloop. Daar is, benewens die eerste plekke wat vir elke spesie behaal word, ook 'n Grootkampioen en Binnelandse Kampioen wat jaarliks gekies word. Ook 'n Junior Jagter van die Jaar en daar word ook gekyk watter trofee die eerste plek behaal as "Naaste aan die wêreldrekord". Daar word ook jaarliks meegeding om die trofee vir die tak wat die beste in die kompetisie gevaar het. Onthou net dat, indien jy aan hierdie kompetisie wil deelneem, daar 'n stel reëls is wat noukeurig nagekom moet word. So moet jou papierwerk reg wees, dit wil sê permitte, toestemmings ens., en daar is ook 'n vereiste dat jou trofeë skoon en reukvry moet wees en nie gemonteer mag wees nie. Laai gerus die PDF leêr "Trofeemetingsreëls" af wat op hierdie webwerf aangegee word, en sorg dat jy al hierdie reëls bestudeer voordat jy inskryf. Wanneer enige van jou trofeë groter meet as die vereiste minimum vir die SA Rekordboek, kan jy aansoek doen dat jou trofee in die rekordboek opgeneem word - laai die PDF vorm onder aan hierdie bladsy af en druk dit uit sodat jy die vorm kan voltooi en inhandig. Jy kan ook onder Skakels / Links elders op hierdie webwerf op die SA Rekordboek se webbladsy ingaan om die rekordtrofees te besigtig. Enige navrae kan gerig word aan die Hoof Trofeemetingsbeampte, Hein Höll by sel no 083 271 3280

Die spoggeleentheid van BJV, waar jy vir Mammie kan trakteer en sy haarself 'n slag kan bederf met 'n nuwe uitrusting en weer 'n slag "grnd" kan aantrek! Dit is die afsluitingsfunksie van BJV en hier word ook verskeie bekers uitgedeel wat op die Trofeekompetisie gewen is. Daar word ook gereeld 'n gasspreker genooi en eregaste sluit in vorige wenners van die Musgrave trofee, die CHASA voorsitter en ander BBP's. Hierdie funksie vind gewoonlik die dag na die trofeemetingskompetisie plaas. Kaartjies is by Marius beskikbaar by 079-511 5358

Jy het nou die kans om jou CHASA bekwaamheid uit te brei. Jy kan met die volgende dissiplines ook addisnionele erkenning kry wat jy met n plakker op jou Chasa Bekwaamheidsertifikaat kan byvoeg: Handwapen Haelgeweer Boog Swartkruit Sien die meegaande dokument vir meer. NB: Plakkers kan deur die tak by CHASA bestel word vir die suksesvolle kandidate. Daar is tans nie balkies vir hiervoor nie en BJV sal besin oor die balkies en dit deurgee aan die takke wanneer daaroor besluit is.

'n Vars nuwe manier om jou sport te be-oefen en sommer terselfdertyd jou oog in te kry vir die jag.
FilmStripImg
FilmStripImg
FilmStripImg
FilmStripImg
FilmStripImg
Bosveld Jagters Posbus 1771, Polokwane,0700 Tel nr: 015 2913820 Fax: 0862675365
executive@bushveldhunters.co.za
Bosveld Jagters Posbus 1771, Polokwane,0700 Tel nr: 015 2913820 Fax: 0862675365
executive@bushveldhunters.co.za
BJV